Antonio: /* Actualizar a clave do usuario dende un equipo Windows */

2007-07-11T15:11:29Z

Actualizar a clave do usuario dende un equipo Windows

Página nueva

== Configurar o servidor de samba como controlador de dominio ==
* O primeiro paso será configurar no servidor o servizo de samba para que actúe como controlador dun dominio Windows.
** [[Configurar Samba como controlador de dominio en Mandriva]]
** [[Configurar Samba como controlador de dominio en Ubuntu]]

== Engadir un cliente Windows XP ao dominio ==
Para engadir un equipo cliente con Windows XP no dominio samba seguiremos os seguinte pasos:

* Debemos engadir un usuario Linux co nome do equipo cliente que imos engadir no dominio engadindo o símbolo $ no final. Se o equipo ten por nome ''clientexp'', engadiremos o usuario ''clientexp$''
[[Imagen:Configurar_servidor_samba_crear_usuario_equipo_cliente.jpg|500px]]

[[Imagen:Configurar_servidor_samba_crear_usuario_equipo_cliente1.jpg|500px]]

* Imos engadir este usuario como usuario samba, pero indicando que este usuario é unha conta dunha estación de traballo. Usaremos o comando '''smbpasswd''':

smbpasswd -a -m ''clientexp''

* No equipo Windows XP, entraremos como administrador e engadiremos o equipo no dominio. Cando nos pida o usuario e clave para engadir o equipo no dominio, introduciremos '''root''' e '''a clave do usuario root en samba''':
[[Imagen:Configurar_servidor_samba_engadir_XP_dominio.jpg]]

== Iniciar sesión no dominio ==
* Xa podemos iniciar sesión cun usuario do dominio dende o equipo cliente:
[[Imagen:Configurar_servidor_samba_iniciar_sesion_cliente.jpg|400px]]

* O usuario xa disporá automaticamente da súa carpeta persoal conectada na unidade '''Z:'''. Poderiamos cambiar a letra desta unidade en swat co parámetro '''logon drive''':
[[Imagen:Configurar_servidor_samba_carpeta_persoal.jpg]]

* Os usuarios tamén dispoñen automaticamente de perfís móbiles, xa que por defecto samba fai que Windows use o cartafol '''profile''' que está dentro do directorio persoal para almacenar o perfil. Deste xeito, se o usuario inicia sesión noutro equipo cliente do dominio, manterá a súa configuración persoal. Poderiamos cambiar a localización do perfil dos usuarios en swat co parámetro '''logon path'''.

== Actividade: Configurar un dominio con Samba ==
1. Crea un dominio Samba chamado '''nome_do_teu_centro'''.
2. Une a este dominio un equipo cliente.
3. Comproba que podes iniciar sesión no dominio dende o equipo cliente co usuario '''alumno01''',
coa clave que teña este usuario en samba.

== Configurar scripts para o inicio de sesión ==
* Cando nun dominio Windows temos un controlador con Windows Server, podemos configurar scripts para que se executen de forma automatica no inicio de sesión dos usuarios.
* Estes scripts son moi útiles para:
** Conectar unidades de rede (co comando ''net use'').
** Sincronizar a hora dos equipos clientes co servidor (comando ''net time'').
** Facer que se abra un documento cando os usuarios inicien sesión (comando ''start'').
** Modificar algún valor no rexistro de Windows para cambiar o comportamento dalgún programa (comando ''regedit'').
** Etc.
* Estes scripts de inicio de sesión almacénanse nun cartafol compartido co nome '''netlogon''' no controlador de dominio.
* O xeito de configurar scripts de inicio de sesión en samba é similar:
** En primeiro lugar, compartiremos un cartafol co nome '''netlogon''':

[[Imagen:Configurar_servidor_samba_scripts_de_inicio_de_sesion.jpg]]

** Neste cartafol creamos un ficheiro '''inicio.bat''' co seguinte texto:
REM Ficheiro de inicio de sesion
net use t: \\controlador\temp
** Entraremos en swat ou editaremos o ficheiro de configuración para introducir no parámetro '''logon script''' o nome do script, ''inicio.bat''.

== Ocultar os ficheiros e directorios non permitidos ==
* Unha opción que pode ser moi interesante cando compartimos carpetas de uso común mediante samba, é a de ocultar os ficheiros e directorios dentro destas carpetas aos que o usuario non teña acceso de lectura.
* Por exemplo, desta forma podemos ter unha carpeta compartida '''comun''' e dentro unha carpeta '''profes''' que só verán os profes.
* Para establecer este comportamento, modificaremos con swat o parámetro '''hide unreadable''' a '''yes'''

== Sincronizar os usuarios do sistema cos usuarios Samba ==
* O problema que temos coa configuración dos usuarios de samba é que se damos de alta un novo usuario en Linux, o modificamos (por exemplo, cabiámoslle a clave) ou o borramos, estes cambios non se trasladarán aos usuarios de samba, xa que son usuarios independentes.
* Para facilitar a xestión dos usuarios, webmin inclúe a opción de poder sincronizar os usuarios de samba cos usuarios de Linux:
[[Imagen:Configurar_servidor_samba_Sincronizar_Usuarios1.jpg]]

* Con esta utilidade poderemos facer que os usuarios samba se creen, modifiquen e borren cada vez que se fan estes cambios sobre os usuarios de Linux, '''sempre que os cambios nos usuarios de Linux se fagan co wenmin''':
[[Imagen:Configurar_servidor_samba_Mandriva_Sincronizar_Usuarios.jpg]]

== Actualizar a clave do usuario dende un equipo Windows ==
* Coa configuración por defecto de samba, un usuario do dominio pode cambiar a súa clave, pero este cambio de clave só afectará ao usuario de samba, mentres que o correspondente usuario de Linux seguirá tendo a clave anterior.

* Podemos configurar samba para que cambie automaticamente a clave de Linux dese usuario cada vez que se cambia a clave dende Windows.

* O que fará samba para facer esta actualización é executar o comando '''passwd''' como '''root''' no servidor para cambiarlle a clave ao usuario en Linux.

* Para activar esta posibilidade, entraremos na opción de '''Autentificación''' do módulo de xestión de samba do webmin:

[[Imagen:Sincronizar_clave_de_samba_e_linux.jpg|400px]]

* Os parámetos que hai que configurar son os seguintes:
** '''Change Unix password as well?''' = ''Si''
*** Desta forma lle dicimos ao servidor de samba que cada vez que se cambie a clave de samba automaticamente sincronice a clave de Linux.
*** Este parámetro no ficheiro de configuración chámase ''unix password sync''
** '''Programa de claves de acceso''' = ''/usr/bin/passwd %u''
*** Este parámetro dille ao servidor de samba onde está o programa que ten que usar para cambiar a clave de usuario (normalmente debe estar aí en calquera distribución). Hai que ter en conta que samba executará este comando como root e que substituirá %u polo login do usuario que cambiou a clave.
*** No ficheiro de configuración correspóndese co parámetro ''passwd program''
** '''Charla para cambiar la clave de acceso'''
*** Este parámetro indica como é o intercambio de mensaxes entre o servidor de samba e o comando '''passwd'''. O valor que deberemos poñer varía dependendo da distribución e o idioma do sistema. No noso caso deberemos poñer:
**** '''En Mandriva''':
*Nueva*UNIX*contraseña* %n\n *Vuelva*a*escribir*la*nueva*UNIX*contraseña* %n\n
*passwd:*all*authentication*tokens*updated*successfully*
**** '''En Ubuntu''':
*Enter\snew\sUNIX\spassword:* %n\n *Retype\snew\sUNIX\spassword:* %n\n *password\supdated\ssuccessfully*
*** Correspóndese no ficheiro de configuración co parámetro ''passwd chat''

== Actividade: Xestión de usuarios e cartafoles compartidos ==
1. Activa no webmin a sincronización dos usuarios de samba cos usuarios de Linux.
2. Crea co webmin un usuario Linux '''profesor01''' con clave '''abc123.'''.
3. Crea no servidor en '''/comun''' os seguintes cartafois:
3.1.'''/comun/apuntes''' onde ''profesor01'' pode ler e escribir, e o resto dos usuarios só poden ler.
3.2.'''/comun/profes''' onde só pode ler e escribir '''profesor01''', e o resto dos usuarios non poden acceder.
4. Comparte no servidor por samba a carpeta '''/comun''' co nome '''comun''' para lectura e escritura
de todos os usuarios.
5. Activa no servidor a opción que oculta os ficheiros non accesibles aos usuarios.
6. Crea un script de inicio de sesión que conecte a carpeta comun na unidade R:
7. Inicia sesión cos usuarios '''alumno01''' e '''profesor01''' no cliente Windows XP e comproba que na unidade R:
aparecen accesibles as carpetas que corresponden ao tipo de usuario, e que os permisos son correctos
(o usuario '''alumno01''' non debería poder escribir en '''apuntes''', pero '''profesor01''' si).

== Ficheiros de configuración de Samba ==
* Os ficheiro de configuración básico de samba é '''smb.conf''', normalmente almacenado no directorio '''/etc/samba'''. Neste ficheiro establécense todos os parámetros de comportamento do servizo e os recursos compartidos.
* Outros ficheiros importantes son '''smbpasswd''' e '''smbusers''', que almacenan a información dos usuarios de samba, as súas claves e a correspondencia dos usuarios de samba cos usuarios de Linux

Configurar un dominio con Samba - Historial de revisiones

Antonio: /* Actualizar a clave do usuario dende un equipo Windows */