Instalación e configuración do servidor de NIS en Ubuntu

Instalación dos paquetes necesarios

• Instalamos o paquete nis usando o xestor de paquetes synaptic:

• Na mesma instalación do paquete arrancará un asistente que nos pedirá a información básica para configurar o servizo de NIS, que simplemente é o nome do dominio:

Configuración do equipo como servidor de NIS

• Ubuntu utiliza o ficheiro de configuración /etc/default/nis para establecer o comportamento do servizo de NIS, isto é, como cliente ou como servidor.
• Deberemos editar este ficheiro (como root) e establecer os datos para que o equipo actúe como servidor de NIS, xa que por defecto actúa como cliente:

 NISSERVER=true
 NISCLIENT=false

• Unha vez feitos estes cambios, debemos reiniciar o servizo de NIS.

Os grupos de sistema de Ubuntu con NIS

• Ubuntu xestiona os acceso dos usuarios a moitos recursos do sistema (audio, discos extraíbles, etc.) por medio dunha serie de grupos que ten predefinidos e no que deben estar incluídos os usuarios para poder facer uso deles.

• O problema é que por defecto o servidor de NIS non exporta os usuarios e grupos con identificador inferior a 1000, e polo tanto estes grupos non aparecerán nos clientes.

• Para solucionalo, deberíamos modificar no ficheiro /var/yp/Makefile os parámetros, MINUID (identificador de usuario mínimo a exportar) e MINGID (identificador de grupo mínimo para exportar), deixando por exemplo:

MINUID = 4
MINGID = 4