Configurar Samba como controlador de dominio en Mandriva

Definir os parámetros básicos do servidor de samba

• Os parámetros básicos podemos establecelos con webmin, no módulo de xestión de samba (en Servidores->Compartición de archivos de Windows mediante Samba) e dentro del no apartado de Rede de Windows:

• Os datos máis importantes son:
  • Grupo de traballo: Este será o nome do dominio Windows que imos crear; neste caso OMEUDOMINIO.
  • Nome do servidor: Este é o nome que terá este equipo na rede Windows e, polo tanto, o nome do controlador do dominio.
  • Seguridade: Debe estar a Nivel de usuario.

Configuración como controlador de dominio

• Agora estableceremos os parámetros necesarios para que o servidor de samba actúe como controlador de dominio.

• Usaremos swat, a ferramenta web de administración propia de samba.

• Podemos acceder a ela directamente dende o webmin:

• Dentro de swat, entraremos no apartado globals (parámetros globais) e picaremos no botón Advanced para acceder á configuración avanzada do servizo:

• Os parámetros importantes para configurar o controlador de dominio os atoparemos no apartado Logon options:

• Deberemos cambiar os seguintes parámetros:
  • domain logons=Yes, para activar a autentificación de dominio.
  • os level=64, xa que este número indica na rede Windows o tipo de sistema operativo do equipo. Desta maneira, estámoslle dicindo ao resto dos equipos da rede Windows que este equipo é un servidor.
  • domain master=Yes, para que actúe como servidor do dominio.
  • wins support=Yes, se queremos que soporte WINS.
• Confirmaremos os cambios picando no botón Commit Changes da parte superior da páxina.

Engadir o usuario root como usuario samba

• Isto é necesario porque será o usuario que necesitaremos introducir cando dende o equipo cliente nos queiramos unir ao dominio. Podemos importar o usuario root dende a opción do webmin de Convertir usuarios de Unix a usuarios de samba:

 NOTA: Para engadir o usuario root, deberemos indicar no rango de usuarios exluídos de 1 a 499, 
 xa que root é o usuario 0:

Crear grupo de usuarios para o dominio

• Crearemos un grupo de usuarios Linux co mesmo nome que o dominio, que usaremos para inluír nel os usuarios que teremos que crear para representar ás máquinas do dominio: